Skinder

Skinder is gevaarlik om deel te neem aan dit sowel as om dit te wees. Maak nie saak hoe volwasse ‘n mens is nie, hy of sy kan nie na skinder luister nie en deur dit geraak of beinvloed word nie. Dit is noodsaaklik dat ons skinder in ons eie lewens moet herken en ons self veel eerder daarvan verwyder.

Wat is skinder dan?

Dit is maklik vir ons om skinder te kan herken wanneer die skinder storie verskriklik lasterlik of beledigend is oor ‘n persoon se persoonlike lewe, veral as ‘n persoon se geloofwaardigheid oor hom of haar verlede ten sprake is of dalk handel dit oor sensasionele oordrywing oor ‘n persoon se karakter of persoonlikheid. Ons kan dit baie vinnig herken en afstand doen van hierdie stories of gesprekke. Maar wat van daardie klein skuldige genot van die hoof-opskrif van die dag se koerant of die nuutste nuus wat ons van ons bure of pastoor kan hoor? nie eers gepraat van die huisgenoot nie!

Skinder kan gedefinieer word as negatiewe inligting omtrent ‘n persoon wat gedeel word met ‘n ander persoon, wanneer die persoon nie nodig het om dit te weet nie, en in meeste van die gevalle dit privaat moes wees. Hierin lê die hart van skinder – waarby ander betrokke is, waar hulle net nie betrokke hoef te wees nie, om inligting met ander te deel wanneer hulle nie die inligting nodig het nie en in elk geval nie deel van die oplossing vir die probleem sal wees nie.

Skinder kan ook woorde bevat wat waar is oor ‘n persoon. Maar net omdat iets waar is, maak die inligting nie verstandig om gedeel te word nie. Kan jy die angel van skinder in hierdie woorde voel?

  • Het jy geweet hy/sy was voorheen al getroud gewees?
  • Ek verstaan dat hy nou vir die tweede maal bankrot verklaar word.
  • Jy weet sy het ‘n senuwee-ineenstorting gehad ‘n paar jaar gelede, né?

Een van die meer vernietigende vorms van skinder kan eintlik in die kerk gebeur. Dit vind plaas in gebedsgroepe. Die meeste van ons het dit op een of ander tyd ervaar. Skinder word gedeel in die naam van “om al die inligting te kry sodat ons weet hoe om reg te bid.” Dit is onnodig omdat God alreeds die besonderhede ken en nie van ons nodig het om Hom met die kleinighede te herinner nie.

As volgelinge van Jesus is ons nie betrokke by enige soort skinder nie. Ons is bedoel om mekaar op te bou en so mekaar te help en te ondersteun wat weer eer aan God betoon. Wat betref ons verhoudings met ander gelowiges, word ons vermaan om uit ons pad te gaan om seker te maak dat die woorde wat uit ons mond kom, eer en respek toon.

Die woorde van skinder moet ons altyd voor waaksaam wees by elke geleentheid, want dit kom altyd teen die mees noodsaaklike keuses of besluite van God se doeleindes vir die kerk – vir sy lede om nie in eenheid te lewe met mekaar nie. Onthou die woorde van die wyse Salomo: Wie met kwaadsprekery omgaan, maak ’n geheim openbaar; laat jou dus nie in met een wat sy lippe laat oopstaan nie. (Spreuke 20:19).

Maar die gedeelte wat my baie keer so laat dink kom van een van my rol modelle in die skrif Petrus, ja ja sê maar wat jy dink oor Petrus maar hy was ‘n man wat nie doekies omgedraai het nie en ook nie bang was om standpunt in te neem nie, Maar Petrus sê: Maar bo alles moet julle mekaar vurig liefhê, want die liefde sal ’n menigte sondes bedek. (1 Petrus 4:8).

Advertisements

Ag, Almal doen dit…

As kind onthou ek hoe ek my ouers probeer oortuig het dat ek toegelaat moet word om iets te doen omdat al my ander vriende gedoen het. Hul ouers het dit dan selfs toegelaat (óf hulle het dalk net gelieg daaroor of hul ouers het nooit daarvan geweet nie); maar my ouers se reaksie was eenvouding en die gesprek het hulle gewoonlik beëindig met, “As al jou vriende van ‘n brug af spring, moet jy dit dan ook doen?” Dit was moeilik om daardie argument af dan jou saak te kon kon verdedig.

Elke jong man voel hierdie tipe spanning om in te pas in die skare of gaan dan maar net eenvoudig met die vloei van sake. Die meeste seuns voel gewoonlik gedruk om gehou (of soos die engelsman se “like”) van te word of selfs net in te pas by die “koel” kinders. So baie sal hul standaarde in gevaar stel en ophou om die regte ding te doen, veral wanneer dit kom by die gebruik van vuil of kru-taal, onbehoorlik te praat oor meisies, lag oor vuil grappies en kyk video’s wat oupa sy beld laat vashou want knappie jy kort ‘n goeie pakslae. Dit beweeg uiteindelik in die area van alkohol, dwelms en seks dan. Hierdie spanning stop nie wanneer jy ‘n man word nie.

Om die skare te volg is maklik. Ons voel onmiddellik aanvaar en deel van die groep sonder stryd of spanning. God roep ons om dinge anders te doen. Wanneer ons doen wat almal anders doen, is ons bestem vir middelmatigheid! Om saam met die vloei te gaan, lewer nooit iets merkwaardigs op nie. In die skare word geleenthede gemis, ongerealiseerde potensiaal en spyt is dan jou voorland.

Wanneer ons doen wat almal anders doen rondom ons, is ons bestem vir middelmatigheid!

Die “cool” ding is dat wanneer ons anders is, kan dit eintlik die sterkte van jou karakter bou. Om anders te wees en die hoër pad te kies, maak jou soveel sterker as die jellievisse wat net saam vloei in die stroom.

Een van die beste dinge wat ‘n vader vir sy seun kan doen, is om vir hom die model te wees hoe dit lyk om anders te wees. Moenie doen wat almal anders doen nie. Maak sleutelbesluite wat jou afsonderlik maak – soos om nie te drink nie of om te kies om eerder tyd saam met die gesin te spandeer in plaas van met die ouens te gaan nie. Belê veel eerder daardie tyd met jou seun wat tans self sy eie sterkte besig is om teen die vloei te gaan te versterk om verskillend te wees en hom dan te beloon vir wie hy as jongman besig is om te raak. Vier eerder saam hom dat jy saam hom daarin is! Die goddelike lewe vereis dat ons teen die vloei gaan.

Neem Aksie:

  1. Gaan jy saam met die vloei of teen die vloei? Op watter maniere lyk jou lewe tans, soos almal om jou? Op watter maniere is dit anders?
  2. Hoekom is dit moeilik om stroomop te swem? Watter rol speel groepsdruk in jou lewe?
  3. Wat is ‘n paar sleutelareas wat jy nodig het om rigting te verander en teen die vloei te gaan? Lys hulle hier en deel dit met mekaar. Besluit wat jy anders kan maak om jou gesinsband sterker te maak!