Stuur Geen LeË Seine meer uit nie

Dit is nie vir ons as Christene genoeg om bloot te sê dat ons Jesus volg nie. Ons moet dit uitleef, anders word ons skynheilige deugde seiners, eerder as inspirerende gewers van hoop. 

Dit werk so: Om ons deugde te verkondig sonder om dit ook uit te leef, lei tot trots. Ons sien dit in die verhaaltjie wat Jesus in Lukas 18 van die eiegeregtige Fariseër vertel wat ‘n uitvoerige gebed bid om God te dank dat hy nie soos die korrupte tollenaar agter hom is nie. Dan bid die tollenaar hierdie eenvoudige gebed: “O God, wees my, sondaar, genadig.” Lukas 18:13b

Die Fariseër het hierdie platform gebruik om ander skaam te maak terwyl hy homself verhoog het. Daarteenoor het die tollenaar God geëer en homself verneder. Jesus sê dan “dit is die tollenaar wat huis toe gegaan het as iemand wie se saak met God reg is.”

Dit is te dikwels wat ons onsself soos die Fariseër in die verhaal gedra. Jesus het gesê hierdie wêreld sal weet dat ons Hom volg deur ons liefde — nie deur ons houdings, Instagram kommentare of ons menings nie. 

Indien ons gereed is om verby die uitstuur van deugde seine te beweeg, moet ons begin om ons beginsels in ons dade uit te leef. Gaan kyk wat sê Jesus in Lukas 6: “Watter sin het dit dat julle my aanspreek met ‘Here, Here!’ en nie doen wat Ek sê nie?” Lukas 6:46

Wanneer ons waarlik Jesus se woorde begin uitleef, sal ons gemeenskappe ook as gevolg daarvan anders lyk.

Ons sal nie soos die Fariseërs ander verdoem nie. Ons sal hulle liefhê. Ons sal nie ons eie optrede teenoor ander bevorder nie. Ons sal ander na God se goedheid terugwys. Wanneer dit ons keuse is om ander te dien, lief te hê, te bemoedig, vrygewig te wees en in God se familie in te nooi, bring ons ‘n bietjie meer van God se koninkryk hier op aarde.

Deur hierdie optrede neem ons geloof van ‘n mooi begrip af tot ‘n vaste deel van wie ons is en hoe ons lewe. 

Ons kan nie alles doen nie, maar almal kan iets doen. Watter talente het God dus aan jou gegee wat jy kan aanwend in diens van ander? Watter hulpbronne het jy waarmee jy ander kan seën? Dit is nou tyd om die uitstuur van leë deugde seine te staak en te begin om ware deugde te beliggaam. 

 Identifiseer in hierdie week een gebied waar jy ander kan dien en gaan doen dit dan! 

Om te vra…?

Waarvoor vra jy wanneer jy met God praat? Baie keer word ons gefrustreerd omdat ons totaal en al op iets gefokus is — ons vra God vir antwoorde of om iets vir ons te doen — maar dit voel asof Hy stilbly.

Kan dit wees dat die probleem nie by God lê nie, maar by dit waarvoor ons vra? 

God se prioriteit is om mense nader aan Hom te trek. As jy desperaat na ‘n antwoord op ‘n groot vraag soek — “Wat gaan gebeur? Waar moet ek gaan studeer? Moet ek ‘n verhouding met hom/haar hê?” — wil God jou beslis wysheid gee en jou help om antwoorde op jou vrae te kry, maar miskien gaan Hy nie dadelik die duidelike en maklike antwoord, wat jy graag wil hoor, in jou oor fluister nie. Miskien gaan Hy jou na Sy Woord toe neem vir antwoorde, of Hy gaan iemand gebruik om wysheid of bemoediging met jou te deel. Dalk gaan Hy jou dwing om meer en meer tyd met Hom te bestee, terwyl jy met die kwessie worstel. 

Partykeer mis ons ook God se stem omdat ons nie vra wat vir God belangrik is nie.

Moenie my verkeerd verstaan nie, God is lief vir jou en wil beslis alles hoor wat vir jou van belang is. Maar ek sê weer, God se grootste prioriteit is om mense nader aan Hom te trek. Lees bietjie die verhaal van Elia, waar hy vir God iets groots vra — ‘n enorme vertoning van vuur uit die hemel, beslis nie ‘n nietige gebed nie. Ek wil fokus op die rede waarom Elia hiervoor gebid het. Hy was desperaat dat God Sy krag aan ‘n groot groep mense vertoon wat vergeet het wie God was. Elia se gebed was om ander mense te sien terugkeer na God en dit is ‘n groot rede hoekom God Sy gebed op daardie manier beantwoord het.

Wanneer jy iets vir God vra, is die prioriteit dat God se glorie vertoon word? Vra jy God om Homself aan jou vriende bekend te maak of om jou nader aan Hom te trek? Of is al jou gebede gefokus op dit wat jou lewe meer gemaklik sal maak? As dit voel of God té stil is, beweeg nader aan Hom en let op waaroor jou gebede gaan.

Wanneer jy vir dinge vra wat die soeklig op God werp, sal jy meer geneig wees om ‘n antwoord te hoor of te sien.

Voor jy Oorgee

Ons hou van opsies. Ons wil weet waarin ons ons begewe. Ons hou van die gevoel van beheer wanneer ons ‘n voorstel oorweeg en dan besluit of ons dit wil doen of nie. Meestal is dit ‘n goeie manier om te werk te gaan. Dit is egter wys om jou opsies te oorweeg en versigtig die beste aksieplan te kies.

Wanneer ons van God hoor, moet ons vooraf besluit wat ons antwoord gaan wees. Wanneer ons God nader met die denkwyse: “God, wys my asseblief wat U wil hê ek moet doen en dan sal ek besluit of ek wil of nie,” sal jy nie baie van Hom af hoor nie. Ons kan baie duidelik van God hoor en sien waarmee Hy besig is wanneer ons ‘n gesindheid het van: “God, voordat U ‘n woord sê, is my antwoord ‘ja!'” 

Wat as God my vra om iets regtig moeilik te doen?

Dit klink vreesaanjaend. Wat gebeur as Hy my planne totaal verander? Ja. Dit gebeur. Maar glo jy regtig dat jy beter weet as die Een wat nie net die toekoms sien nie, maar wat jou ook geskape het? God ken jou beter as wat jy jouself ken. Elke keer wanneer ek met God geargumenteer het, of gevoel het dat Hy my lewe in ‘n rigting neem waarvan ek nie seker was of ek daarheen wou gaan nie, was ek nog altyd aan die einde dankbaar. Dit werk altyd beter uit as wanneer ek my wil sommer met die intrapslag gekry het. 

Om regtig van God te hoor — om te sien wat Hy in jou lewe probeer doen — moet jy jouself vooraf aan Hom oorgee.

Die kwessie is nie wat van jou gevra mag word nie, maar wie die vrawerk doen. God is goed — so goed! Hy is liewer vir ons as wat ons ten volle kan begryp. Wat Hy jou ook al vra om te doen — al is dit regtig moeilik — gaan dit jou beslis na ‘n beter plek toe lei as wat jy jou ooit kan voorstel. Jy kan met vrymoedigheid “ja” sê, nog voordat God ‘n woord gesê het. Dit is die soort volkome vertroue waarna God soek, en ons kan Hom soveel beter sien en hoor as dit die ingesteldheid van ons harte is.

In Afwagting

Wat verwag jy gaan gebeur as jy bid? Verwag jy dat God gaan antwoord? Verwag jy om presies te kry waarvoor jy gevra het? Of as jy brutaal eerlik wil wees, verwag jy eintlik nie veel om te gebeur nie? Benader jy gebed soos ‘n wensfontein — dit sal fantasties wees as jou wens bewaarheid word, maar eintlik weet jy dat jy net jou geld gemors het. 

Ongelukkig dink ek, wat gebed betref, is dit ‘n slaggat waarin ons kan beland. Wanneer jy ‘n moeilike tyd beleef, of ‘n gebed is dalk nie beantwoord soos jy wou gehad het nie, of miskien probeer jy al ‘n geruime tyd van God hoor en jy kry nie ‘n antwoord nie, kan dit soms ons verwagtinge van wat God mag doen, teleurstel. God is egter altyd besig om in ons lewens te werk, Hy is altyd besig om gebede te beantwoord — al is dit nie op die manier of die tyd wat ons graag wil hê nie. God lewe en is aktief aan die werk in ons lewens.

Ons moet net ons verwysingsraamwerk verander oor wat ons verwag God gaan doen.

As ek regtig deursigtig met jou wil wees, moet ek erken dat daar soms tydperke is wanneer ek nie God se werk in my lewe sien nie. Dit voel asof Hy my nie hoor nie. Dit voel asof al my gebede met ‘n groot “nee” beantwoord word — of ten minste met ‘n “nie nou dadelik nie”. Ek voel soms moedeloos, maar uiteindelik breek ek daaruit los en begin bid: “God, wys my wat U nou besig is om in my lewe te doen.” Dan wy ek my daaraan toe om alles wat ek God sien doen, neer te skryf — elke keer as ek opmerk dat Hy in my lewe werk. Dadelik word hierdie lysie lank. Ek vind dat ek bladsye van ‘n joernaal vul met baie klein dingetjies — en soms groot dinge — met wat ek God sien doen. 

Het God ewe skielik sy aktiwiteite in ‘n hoër rat gesit omdat ek gebid het?

Nee. Hy werk nog die hele tyd op dieselfde pas. Die probleem was ek en my verwagtinge. Ek het óf verwag dat Hy presies sou doen wat ek vra, op die presiese tyd wat ek wou hê, óf ek het toegelaat dat my geloof wankelrig raak en ek het eerlikwaar nie verwag dat Hy iets sou doen nie. Altwee reaksies is verkeerd. Wanneer jy verwag dat God in jou lewe gaan werk, sal jy beslis sy werk in jou lewe aanskou. Jy moet net in gedagte hou dat Hy God is en nie jy nie. Sy aksies mag dalk nie wees waarvoor jy gewens het nie, maar dit sal altyd tot jou beswil wees. 

Begin hierdie week! Skryf elke ding neer wat jy sien God vir jou doen of wanneer jy hoor dat Hy met jou praat. Ek is vol vertroue dat jy meer in net ‘n paar dae sal neerskryf, as wat jy ooit gedink het moontlik sal wees

Nee, ek sal nie vir jou bid nie.

Dit is die maklikste ding in die wêreld om te sê: “Ja, ek sal daaroor bid.” En dit is die maklikste ding om agterwee te laat of net eenvoudig te vergeet. Daardie lys van al die dinge wat ek gesê het, ek oor wil bid, maar dan van vergeet word omdat dit van hier na volgende jaar sal strek. Ek het dus begin sê, “Nee, ek sal nie vir jou bid nie.” Ek is nog steeds nie heeltemal gemaklik daarmee nie, maar ek dink dit is die regte ding om te doen.

Ons het so amper twee maande terug iemand gehad – ‘n vreemdeling – bel die kerk om te vra vir gebed. Sy het die oggend uit die bloute die kerk se kantoor geskakel. Sy het gesê sy voel siek en het mense nodig om vir haar te bid. Elke dag vir die volgende ses maande. “Kan ek op jou reken om vir my te bid?”

Vir die eerste keer in my lewe het ek totale vryheid gevoel. Ek het gesê, “Ek gaan een keer vir jou bid, maar ek sal nie elke dag vir jou bid nie. Ek sal nie vir ses maande vir jou bid elke dag nie. “Ek het verduidelik dat ek my eie kerk het om voor te sorg en dat ek vir daardie mense moet bid. Ek het gevra oor haar kerk en sy het my vertel waar sy bywoon. Ek het dit as ‘n goeie kerk herken, vol mense wat bid en pastore wat omgee. Ek het verduidelik dat God verwag dat haar kerk omgee vir haar en haar kerk vir haar moet bid en dat hulle al die kerke in Secunda roep om vir hulle te vra om gebede op te stuur vir iemand wat hulle nie ken nie, mag dalk net bygeloof wees.

Ek het gedink ek deur gedring na haar toe ek met haar gepraat het telefonies, Maar ‘n week later het die telefoon weer gelui en dit was dieselfde vrou. Sy het natuurlik vergeet om die naam van ons kerk uit haar lysie te skraap. Ek het haar herinner aan wat ek die vorige geleentheid vir haar gesê het en dat ek nie meer vir haar bid nie. Sy het toe eenvoudig net die foon in my oor neergestort.

Nou nadat tyd verloop het na die geleentheid lees ek ‘n boek tans waar die skrywer ‘n man van gebed is, en een wat veg teen die maklike “Bid vir my!” Hy verstaan dat sommige mense dink dat sy gebede baie sterk is omdat hy ‘n bekende persoon is; hy verstaan dat sommige mense hulleself ongehoorsaam om van die plaaslike kerk hul te verwyder het en nou op soek is na iemand, iemand, om vir hulle te bid; Hy verstaan dat sommige mense bygelowig is teenoor gebed. Hy het dus vertel hoe hy geleer het om “Nee” te sê. Hy het selfs geleer om te sê: “Ek sal nou vir jou bid, maar dan verwag ek dat jy na jou plaaslike kerk toe moet gaan en vra dat hulle vir jou moet bid.” Hy bid dadelik en bid een keer, maar nie meer nie.

God het my verantwoordelikheidsvlakke gegee en ‘n beperkte hoeveelheid tyd.

Ek leer deur dit wat hy skryf, en voel die vryheid om nie te bid nie. Ek voel die vryheid om nie te bid nie, omdat ek kan nie vir almal en alles kan bid nie. God het my verantwoordelikheidsvlakke gegee en ‘n beperkte hoeveelheid tyd. Ek moet die beste en die grootste deel van my tyd gebruik om te sorg vir diegene wat die naaste aan my is – my familie, my vriende, my bure, my kerk. Een van die maniere waarop ek omgee vir hulle is deur vir hulle te bid. Maar aangesien daar baie meer aan my lewe as gebed is, moet ek daardie gebedstyd goed gebruik, dit aan die dinge gee en die mense waarvoor ek die grootste verantwoordelikheid het. En dit is wat ek probeer om te doen-ernstig en herhaaldelik vir die mense waarvoor ek verantwoordelik is, te bid en om ander te laat bid vir die mense waarvoor hulle verantwoordelik is.

Ek voel op hierdie manier om NEE te se is beter. Dit gee my die geleentheid om vir mense oor gebed te leer, dit gee my die geleentheid om gebed te modelleer, en dit hou my daarvan dat ek sal doen wat ek se ek sal en nie wat ander op my afstoot om te doen nie, “want dit word van my verwag mentaliteit nie”.