God Gebruik Beproewing

Soos ons deur die uitdagende tye in ons lewens gaan, kan ons een van twee dinge doen: groei of stagneer. Daar is ook geen veroordeling as jy teenoor God ontsteltenis voel wanneer moeilike tye jou pad kruis nie. Ons het almal al so gevoel, maar as ons Hom soek, sal ons Hom vind. Een van die maniere hoe ons weet dat ons geloof gedurende die moeilikhede groei, is wanneer die “hoekom” vrae verander na “hoe” vrae. 

Hoe gaan U dit in my lewe gebruik?
Hoe gaan U ander beïnvloed deur hierdie beproewing in my lewe?
Hoe gaan U deur hierdie verwoesting die goeie na vore laat kom?

Daar is ‘n baie gewilde gesegde onder Christene wat lui: “God laat alles ten goede meewerk.” Dit is ons algehele, hoopvolle waarheid. Ongeag of ons in ongewensde, uitdagende omstandighede beland het; of dit ons eie keuse was wat ons daarnatoe gelei het; God sal elke krieseltjie daarvan gebruik om ons lewens los te koop, ander te beïnvloed en eer te ontvang. Kom ons bespreek wat God met ons pyn doen.

Hy Verander Ons
Wanneer ons deur uitdagende beproewings gaan wat ons diep seermaak, wil ons meestal net “daaroor kom.” Om egter werklik oor iets te wees moet ons eers daardeur gaan. Ons moet deur die pyn werk, dit wat ons harte breek, hanteer om by die genesing aan die anderkant uit te kom.

Soos ons deur storms in ons lewe gaan sal ons sterker word. 

Hy Verander Ander
Baie mense gaan deur uitdagings in hul lewens wat uiteindelik aan hulle die ondervinding gee wat geen formele onderrig kan nie. Ons het dalk nie almal ‘n universiteitsgraad nie, maar ons is deskundiges in ons soort pyn. God sien dit en oorweeg ons as sy instrumente om ander te help. Paulus skryf in 2 Korintiërs 1:4 dat “Hy ons bemoedig sodat ons ook ander kan bemoedig.” Hy laat ons nie deur die diepste, donkerste teëspoed gaan net om te sê dat ons daardeur is nie. Nee, sy begeerte is dat ons die vertroosting wat Hy ons gee ook met ander sal deel. 

Romeine 8:28 sê dat God alles ten goede laat meewerk.

Nie net sekere goed nie maar alles.

God het die ergste ding wat ooit kon gebeur—Jesus se dood aan die kruis—laat meewerk om die verlossing van die mensdom teweeg te bring. Hoe erger die pyn, hoe groter is die geleentheid vir God se verlossing om pragtig vertoon te word. Met elke verhaal van verlossing ontvang God die eer omdat Hy die tragedies in ons lewens in oorwinnings verander. 

Dink dalk bietjie hieroor:

  • Wat was die mees uitdagende beproewing wat jy al deurleef het?
  • Hoe kan jy die pyn gebruik om die lewe van ander te beïnvloed daarmee?

Gehoorsaam wees in moeilike tye.

Jy sal altyd probleme in jou lewe hê. As gevolg van ons sondige karakter en die slinkse planne van die vyand, kan probleme oral gevind word.

Ons behoort nie verras te wees dat ons probleme het nie; Jesus sê duidelik dat ons probleme in hierdie wêreld sal hê. Hoekom sou Hy dit sê? Omdat Hy eerlik is, en vir ons lief is. Deur ons vroegtydig voor te berei, help Jesus ons om twyfel en vrees te vermy wanneer ons onsself in moeilike tye bevind.

Jesus het ons gewys hoe nederige gehoorsaamheid lyk.

Hy was gehoorsaam in baie moeiliker situasies as wat die meeste van ons ooit in die gesig sal staar — selfs tot die dood aan die kruis. Nou sit Hy aan die regterhand van God die Vader waar Hy vir ons intree. Ons kan troos vind in die wete dat ons ‘n vriend het wat met ons swakhede medelye het.

Ons kan fees vier, want ons weet dat elke moeilike reis ons nader aan Christus en Sy ewige koninkryk trek. Dit is ons hoop: Jesus Christus het vir altyd die sonde en die dood oorwin.

Die dood kon Hom nie hou nie, die graf kon Hom nie vashou nie, die krag van die sonde kon Hom nie verslaan nie, en die duisternis kon nie oor Hom heers nie!

Aangesien Jesus se werk aan die kruis klaar is en ons toelaat om kinders van God te wees, kan ons ook sonde oorkom. Jesus het alreeds die wêreld oorwin — en dit sluit elke moeilike situasie in die wêreld in. Nou kan ons uitsien na ons ewige tuiste by Jesus.

Liefde Oorwin Vrees

Moed is nie die afwesigheid van vrees nie, dis die teenwoordigheid van liefde wanneer jy vrees in die gesig staar. Dalk gaan jy nou deur ‘n moeilike tyd in jou lewe. Vrees oorval jou van alle kante en jy vra jouself af: 

As God so liefdevol en kragtig is, hoekom gaan ek dan deur al hierdie pyn?

God is nie soos ‘n sadistiese kind wat insekte martel omdat dit vir hom lekker is nie. Hy is die verpersoonliking van liefde en Hy het jou liewer as wat jy jou ooit kan verbeel. As jy deur ‘n moeilike seisoen gaan, moenie toelaat dat vrees die oorhand kry nie. Keer jou na die liefde van jou Hemelse Vader en vind daar rus. Selfs in oomblikke van pyn sal Hy jou deurdra en iets goeds daaruit laat voortkom.

Liefde is in staat om jou vrese te oorkom, want dit gee jou moed om hulle met geloof aan te pak.

Almal van ons het vrees in ons lewens. Ek dink toe God ons gemaak het Hy geweet hoe baie ons met vrees gaan sukkel, en watter groot gevaar dit vir ons lewens sou inhou. Dis hoekom Hy oor en oor in die Bybel sê: “Moenie vrees nie.”

God sê nie net dat ons nie moet bang wees nie, Hy gaan verder en sê hoekom ons nie moet bang wees nie. Hy het belowe om altyd by ons te wees. Wat ‘n wonderlike belofte!

Stel jou jou lewe voor met ‘n hart vol liefde en moed.

Hoe verskil daardie voorstelling van hoe jou lewe op hierdie oomblik lyk? Daardie vreeslose prentjie is moontlik, as jy kies om ‘n lewe te lei wat deur liefde aangespoor word. Verbind jouself aan die pad van liefde en moenie omkyk na die pad van vrees nie.

Goeie dae is aan die kom. God belowe dit, en daarom is dit waar.

Hoekom?

Elke dag hoor ek hierdie kort, maar kragtige vraag van mense rondom om. Hulle het ‘n onberekenbare verlies gely. Hulle voel asof hulle buite hulself lewe, besig om na die ondenkbare te staar. Op goeie dae vloei hulle maar net saam met die stroom. Op die slegte dae kan hulle glad nie funksioneer nie.

As jy nou deur lyding gaan, weet jy waarvan ek praat. Dalk vra jy nou hierdie selfde vraag. Dalk staan jy op hierdie oomblik voor die grootste berg van jou lewe. Jy staan voor ‘n ontbering wat jy nie glo jy kan oorleef nie. Jy wil graag aan beweeg, maar soms is dit selfs te moeilik om net uit die bed uit te klim.

Jy hoef nie ‘n slaaf van jou probleme te wees nie.

As jy vandag lyding ervaar, ten volle bewus van jou eie swakheid, kan jy leer om blymoedig te ly. Jy hoef nie ‘n slaaf van jou probleme te wees nie. Die feit is dat jy gesonde strategieë kan aanleer wat jou sal help om weer jou voete te vind en selfs te floreer. Deur te vra “Hoekom?” skep jy ‘n leë sirkel van frustrasie. “Hoekom?” is die verkeerde vraag wat jou heel moontlik net dieper in die put aftrek waaruit jy so graag wil klim.

In plaas daarvan om tyd te mors deur te probeer uitvind hoekom ons ly, moet ons eerder uitvind hoe om te oorleef—en hoe om blymoedig te oorleef. Soms word ons worsteling en lyding, die mees bekende komponente van ons lewens. Depressie, skaamte, angs, bitterheid, hartseer, siekte en verslawing raak met verloop van tyd op ‘n vreemde wyse gemaklik en voorspelbaar. Ons kan ons amper nie ‘n lewe sonder pyn voorstel nie. Ons raak selfs bang vir ‘n lewe sonder worsteling.

Jy mag bang wees om terug te keer na die normale.

Miskien het pyn deel van jou roetine geword, jou gerieflike verskoning vir ontoereikenheid. Dit verteer jou tyd en jou aandag, ja, selfs ook jou identiteit. Jy mag bang wees vir veerkragtigheid. Jy mag bang wees om terug te keer na die normale. Jy mag wonder: 

  • Wie sal ek wees sonder worsteling?
  • Wat sal ander van my verwag?
  • Wat is my doel afgesien van my pyn?

Maar jy kan terug bons. Dit begin by jou denkpatroon en deur die aanleer van vaardighede wat die manier hoe jy ly sal hervorm.

  • Wat beteken die woord veerkragtigheid vir jou?
  • Op watter manier hou jy jouself “vasgevang” in jou lyding?

7 dinge hoekom jou kerk jou nodig het.

Nie te lank gelede het ek die geleentheid gehad om te praat met ‘n byeenkoms van jong volwassenes van verskeie kerke regoor ons dorp. Ek het gekies om te praat oor hoe enige Christen (nie net jong volwassenes nie) ‘n kerk beter en sterker kan maak. Hier is ‘n paar van die dinge waarmee ek opgekom het: 7 dinge hoekom jou kerk jou nodig het.

Jou kerk het jou nodig omdat …

…Wees nederig

Daar is geen karakterkwaliteit belangriker as nederigheid nie. Terwyl nederigheid nie vanselfsprekend by enige van ons opkom nie, kan dit geleer word, want hier is die ding:

Blog Pop-Up's

Nederigheid is nie ‘n gevoel of houding nie – dit is aksie. As jy nederigheid wil leer, moet jy nederig wees.

Hier is drie vinnige wenke om nederig te word:

  • Vind volwasse Christene wat nederigheid uitbeeld en spandeer bietjie tyd saam hulle. Leer van hulle en leer om soos hulle te wees.
  • Melt-aan as ‘n vrywilliger vir die laagste van take. Moenie vra om in die publieke oog te wees wanneer jy dien nie, maar wees tevrede om agter die skerms te bly. Vind vreugde om die taak te verrig wat niemand wil doen nie en doen hulle wanneer en waar slegs Jesus jou sal kan sien.
  • Leer Jesus ken. Dit was Jesus wat gesê het: “Wie homself verhoog, sal verneder word, en wie homself verneder, sal verhoog word.(Mattheus 23:12). En dit was Jesus wat Homself die meeste verneder het en wat tans die hoogste verhewe word.

… Prioritiseer Kerk

Elke kerk het mense wat die openbare byeenkomste van die kerk ‘n lae prioriteit maak. Dit is die mense wat eers in die kerk kom wanneer dit gerieflik is en wat enige verskoning gebruik om dienste te mis of ‘n geleentheid te vermy. Elke kerk benodig desperaat mense wat die openbare byeenkomste hul hoogste prioriteit sal maak. Vandag is die dag om te begin prioritiseer die belangrikheid van jou kerk se aktiwiteite in jou lewe.

Laat ek jou twee redes gee hoekom:

  • Eerstens het jy jou kerk nodig. God het vir jou deel van jou kerk gemaak. Jy kan nie die lewe op jou eie doen nie. Jy is nie sterk genoeg nie, jy is nie wys genoeg nie, jy is nie volwasse nie, jy is nie godvresende genoeg nie. Sonder die pragtig gewone genademiddel wat jy in die kerk ervaar, sal jy dit nie maak nie. Sonder die ondersteuning van jou broers en susters in Christus, sal jy dit nie maak nie.
  • Tweedens, jou kerk het jou nodig. God het jou deel van jou kerk gemaak vir die goeie van ander. (1 Petrus 4:10) sê: “Namate elkeen ’n genadegawe ontvang het, moet julle mekaar daarmee dien soos goeie bedienaars van die veelvuldige genade van God.” God het jou begaafd om deel te wees van jou kerk, en daardie gawes moet vir die goeie gebruik word, van ander mense. So prioritiseer die kerk as ‘n uitdrukking van vrygewigheid teenoor ander.

… Oorweeg om God ‘n dag te gee

Hoekom oorweeg jy nie om ‘n hele dag van die week opsy te sit en dit op ‘n spesiale manier aan die Here te gee nie? Ons glo dat die Ou Testamentiese wet in Christus vervul is, alhoewel daar ‘n mate van meningsverskil onder Christene is oor die implikasies daarvan. Maar selfs as jy glo dat die Sabbats bevel nie meer vir ons bindend is nie, is daar nog steeds waarde in wat daaruit geleer kan word.

Dit verander heeltemal jou Sondag wanneer jy die hele dag aan die Here en sy mense gee. Nou hoef jy nie te besluit of jy daardie klas moet neem of by die klub aansluit wat Sondagmiddae ontmoet nie. Jy staan nie kerk toe tydens eksamentyd nie, want jy kan altyd rondom dit studeer waneer jy nodig het om dit te doen. Wanneer jy ‘n dag aan God gee veroorsaak jy dat al daai sorge van die lewe, en selfs baie van die vreugdes van die lewe, dan ‘n hele dag kan besit waar jy tyd belê om God te aanbid, die gemeenskap en ander te dien.

… Leef soos ‘n Christen die hele week lank

Dit is maklik genoeg om ‘n Christen by die kerk te wees, maar dan kom jy huis toe, baie gaan selfs na ‘n werk toe, baie gaan dalk ook skool toe. En dan is jy omring deur mense wat goddeloos optree, en selfs erger, jy word saam met jou eie gedagtes en jou eie begeertes oorgelaat. Tog moet ons soos ons in kerk ons hele week lank soos ‘n Christen lewe.

Nederig 1Elkeen van ons staan voor verskillende uitdagings en verskillende versoekings. Maar ‘n sleutel tot die lewe van ‘n Christen is, om die hele week elke dag tyd te spandeer in God se Woord en in gebed. Maak dit ‘n prioriteit, maak nie saak hoe besig jy is nie en maak nie saak hoe mal jou  lewe mag lyk nie. Maak dit iets wat jy doen, maak nie saak hoe erg jy gesondig het en hoe min jy daarvan hou om dit te doen nie. Bid daagliks nie net vir jouself nie, maar vir jou kerk. Neem daardie lidmaatskap letterlik op en bid vir jou kerk van A tot Z en begin dan weer. Maak jou lewe ‘n toegewyde lewe, iets wat jy nie net vir die goeie van jouself doen nie, maar vir die goeie van ander.

… Leer mense ken wat nie soos jy is nie

Kerke is onwillekeurige gemeenskappe. Ons kan nie kies wie na hulle toe kom nie, God doen. Dus, wat ons moet doen, is om hierdie mense te ondersteun en saam hulle te leer om ander mense lief te hê, selfs as hulle baie anders as ons is. “Want soos in een liggaam het ons baie lede, en die lede het nie almal dieselfde funksie nie, so is dit met ons, alhoewel ons soms baie is, is ons een liggaam in Christus en individuele lede van mekaar.” As jou kerk so verdeel is dat al die jong volwassenes alleen eenkant kuier en al die ouer mense op ‘n ander plek alleen saam is, dalk party mense met aksente op een plek saam drom en al die ander mense sonder daai aksente hang saamuit op ‘n ander gebied, dit spreek nie van die ware evangelie dan nie, want die ware evangelie is kragtig genoeg om mense werklik lief te hê, al is hulle anders.

So poog om mense wat nie soos jy is, beter te leer ken. Daar is geen rede dat jy nie kan sê dat sommige van jou beste en naaste verhoudings met mense is wat baie anders as jy is nie.

… Leer vrygewigheid aan

Min dinge openbaar die hart beter as geld. Geld het ‘n wonderlike manier om te wys wat jy regtig glo en wat jy regtig waardeer. Maak nie saak wie jy is of watter stadium van jou lewe jy is nie, daar is geen beter tyd as nou om te leer vrygewig te wees met jou geld nie. Hier is wat die Bybel sê: Laat elkeen gee soos hy hom in sy hart voorneem, nie met droefheid of uit dwang nie, want God het ’n blymoedige gewer lief. (2 Korinthiërs 9:7) Jy moet gee, en jy moet leer om dit vrolik te doen.

Hier is net twee vinnige wenke:

  • Onthou dat dit nie jou geld is nie. Die geld behoort aan God – Hy gee dit net aan jou om dit te bestuur, en Hy gee dit vir jou om dit goed te bestuur tot Sy heerlikheid.
  • Gee eerste aan die Here. Ek ken mense wat sê dat hulle nie aan die kerk kan gee nie, en tog het hulle ‘n nuwe selfoon en koop elke nou en dan ‘n nuwe motor en hou drie keer per jaar vakansies. Die somme maak nie sin nie. Leer om die eerste en beste van jou geld aan die Here te gee. Hoe moeiliker dit lyk, hoe meer moet jy dit doen.

… Wees ‘n goeie lidmaat

Maak jouself van onskatbare waarde by jou kerk, en doen dit deur ander mense te dien. Ek hou daarvan om die gedeelte in Handelinge 9 te lees van Tabita (Wildsbokkie), die vrou wat Petrus uit die dood opgewek het, wat beskryf is as “sy was oorvloedig in goeie werke en aalmoese wat sy gedoen het.” (Handelinge 9:36b). “Toe Petrus daar aangekom het, het hy saam met hulle na die bokamer gegaan waar Tabita se liggaam gelê het. ’n klompie van haar vriendinne, almal weduwees, het daar om haar gestaan. Hulle was baie hartseer. Hulle het vir Petrus van die klere gewys wat sy gemaak het toe sy nog geleef het. Tabita was ‘n groot kerkmens. Sy het mense baie liefgehad, en sy het soveel goed gedoen, dat die hele gemeenskap getreur het toe sy gesterf het.

Sal die mense van jou kerk hartseer wees as hulle jou onthou vir al die goeie wat jy aan ander gedoen het?

Sou dit jy wees? Sal die mense van jou kerk hartseer wees as hulle jou onthou vir al die goeie wat jy aan ander gedoen het? Vind die plek waar jy by jou kerk kan dien, en sonder versuim daag op sonder gebrek, met lofprysing in jou hart daag op en dien. Doen dit vir die goeie van ander en vir die heerlikheid van God.