Wees Genadig Teenoor Jouself

Die dag wanneer jy besluit om ernstig te raak oor goeie daaglikse gewoontes, is die dag wat jy afstand doen van perfeksionisme. Vandag se frase is: wees genadig teenoor jouself. Wanneer jy nie by jou nuwe gewoonte hou nie, wees genadig teenoor jouself. 

Moenie negatiewe denke koester en jouself haat nie. Hou vas aan God se waarheid en die gesonde identiteit wat Hy vir jou gee. Dit is nou die geleentheid om ‘n bietjie dieper te delf en die eintlike probleem te ontdek. Gebruik meer tyd om oor jou gesonde identiteit te dink en vra hulp by betroubare mense. 

Dalk het jy alreeds gefouteer. Dalk nog nie.

Dit maak nie saak wat die geval is nie, vra vir God, en dalk party mense, om vergifnis. Beskou dit dan as ‘n geleentheid om te groei, om ‘n dieper genesing te ervaar en as nog ‘n kans om ‘n goeie daaglikse gewoonte te kweek wat enige probleem sal kan weerstaan. Dis soos wanneer jy verkoue kry en jy jou immuniteitstelsel sterker moet maak. Dit is ‘n geleentheid om die selfbeheersing te gebruik wat God jou gegee het, sodat jy kan groei en sterker word.

Jesus het ons beveel om God met alles in ons lief te hê en ander soos onsself. Dit word beskou as die twee belangrikste gebooies. Daar is egter ‘n derde een hierin versteek. Om ander soos jouself lief te hê, moet jy vir jouself lief wees! Wees genadig teenoor jouself as jy fouteer, al is dit net omdat Jesus jou beveel. Moenie moed opgee nie. Moenie jouself veroordeel nie. Staan op, kyk op, vra vergifnis en probeer weer!

Volkome Jy

Na Jakob se worsteling met God, was hy mank. Sy gebrek was nie net fisies nie, dit was ‘n teken van sy nuwe identiteit. Dit was ‘n simbool dat hy nou Israel was, die vader van ‘n nasie, en dit was uniek aan hom. 

As jy jouself aan die reis verbind, sal jy jou eie worstelinge hê. Jy mag dalk selfs ‘n geestelike gebrek opdoen; iets wat jou worsteling definieer. Dis nie veronderstel om jou te kniehalter of ‘n swakheid te wees nie, maar eerder ‘n simbool en herinnering te wees dat jy nou verander het.

Jy is nou JY!

Jy is uniek. Toe God jou in jou moederskoot gevorm het, het Hy dit met sorg en groot “detail” gedoen. Hy het al jou talente en gawes in jou geweef. Hy het van al die ervarings, ook die moeilikes, wat jou lewe sou vorm, geweet. Hy het geweet watter unieke rol jy in die liggaam van Christus sou speel. 

Soms raak ons so vasgevang in wat ander mense doen of waarvoor God hulle gebruik. Ons wens ons het hulle talente of geleenthede of rol gehad. Die baan waarin hulle hardloop is egter nie vir jou bedoel nie… en joune is nie vir hulle bedoel nie. Moet nooit ander mense na-aap nie — wees net jouself.

Wees volkome jy, want niemand anders kan jy wees nie!

Ek hou baie van Die Boodskap se vertaling van Galasiërs 6:4-5: “Gaan kyk ‘n slag goed na julle eie lewe. Wees tevrede met die goeie dinge wat God in julle lewe tot stand gebring het sonder om julle gedurig met ander gelowiges te vergelyk. Op die ou end sal julle slegs oor julle eie lewe aan God moet rekenskap gee.”

Ek kan nie aan ‘n beter manier dink om vandag se blog mee af te sluit nie. Hiermee wil ek jou aanmoedig om jou reis na jou ware identiteit ten volle te ervaar.

Ontdek wie jy is en watter rol jy in die liggaam van Christus speel, en doen dit ten volle. Moenie probeer om iemand anders te wees nie… wees net jouself!

God ken jou naam…

Gunstigheid in die Bybel is ‘n diep intieme en geweldige diep persoonlike verhouding tussen twee mense.

Byvoorbeeld, Moses bid tot God om saam met die mense te gaan terwyl hulle uit die woestyn sou uitstap. God sê vir hom:Ook hierdie versoek wat jy uitgespreek het, daaraan sal Ek voldoen; want jy het genade gevind in my oë, en Ek ken jou by die naam. (Eksodus 33:17). Het jy dit gesien? God se guns teenoor Moses beteken dat God inverhouding met Moses staan. Dit is nie ‘n koue, meganiese reservoir van seëning wie se kleppe gemonitor moet word nie. Dit is ‘n verhouding tussen twee mense wat mekaar ken.

Ek hoop dat jy hierdie punt kan sien, want dit is belangrik dat ons die guns van God in so ‘n goeie ding kan in sien. Dit is nie net dat Gog ewe skielik begin om ‘n soort goddelike goudstof op jou lewe uit te gooi sodat goeie dinge met jou begin gebeur nie en so dan mense jou met meer respek kan begin behandel nie. Om in God se guns te wees, beteken dat Hy persoonlik met jou wil praat om met jou in verhouding te staan en selfs vriendskaplik na jou te kyk. Dit is in ‘n lieflike en intieme verhouding met die God van die heelal.

As jy ‘n Christen is, het jy al ooit opgehou om daardie denkbeeldige werklikheid te oorweeg, dat? Die Skepper van die kosmos, God self,  jou naam ken! Sy gesig kyk vol in jou eie, nie met woede of teleurstelling nie, maar met ‘n stralende glimlag. Omdat jy hom vreugde bring.

O, as ons daardie waarheid net kon begryp en dit diep in die grondslag van ons siele kon inbring, sou dit alles verander! In plaas daarvan om die lewe met vrees en bewing in die gesig te staar, sal ons met vertroue wandel deurdat ons weet dat God self oor ons kyk. In plaas daarvan om met trots op ons goeie dae ons op te blaas en dan weer met skuldgevoelens op ‘n slegte dag, oor ons mede broers en susters te staan, bly ons oë vas, vas op die ewigheid – en op die glimlaggende gesig van die God wat ons elkeen by ons naam ken.

Wat is moeilik vir jou om te aanvaar:

  • Dat God jou ken en presies weet wie jy is, of
  • dat die idee dat God jou ken en nogsteeds jou vriend wil wees?

Wat doen die gedagde aan jou, gee dit jou hoop en aanmoediging?