Die Gawe van Woede

Soms voel jou lewe soos ‘n stilstaande spruit. Jy voel asof jy die vreugde en geesdrif van vroeër verloor het. Jy is desperaat vir iets wat hierdie spruit van jou lewe weer kan skoonmaak. Woede kan deel van die oplossing wees.

Aanvanklik kan jy dink dat woede ‘n sondige emosie is en kan jy skuldig voel oor die woede wat jy ervaar. Maar kom ons kyk vanuit ‘n ander perspektief na woede. Die Woord identifiseer nie woede as sonde nie. Efesiërs 4:26 wys aan ons dat woede iets is wat kan lei tot sonde as ons dit toelaat om ons te beheer. Eintlik is woede die mees produktiewe emosie wat ons ervaar, wat dit juis so uitdagend maak om te beheer.

“Wanneer ons dit verkeerd aanwend, kan woede ons verhoudings vernietig.”

Maar wanneer dit reg aangewend word, kan woede die perfekte brandstof wees vir ons veerkragtigheid. Dis waar! God, wat ons na sy beeld gemaak het, het ons geskep met ‘n kapasitiet om woede te ervaar. God het ons geskep met ‘n emosie binne-in ons wat ons uit verdrukking kan lei. So, kom ons rig hierdie kragtige emosie doelgerig op wat ons ookal gevange hou, hetsy vernietigende teologie, vernietigende denke of vernietigende oorlewingsvaardighede. 

Dink daaraan: Dra jy net die gewig van jou aanvanklike lyding of ook nog die gewig van die lyding wat volg uit gevangeneskap? Om vasgevang te word is gevaarlik. Dit is nie so eenvoudig soos om pyn uit te rek nie. Deur vasgevang te wees nooi jy in der waarheid addisionele pyn in jou lewe in. Daar is ‘n prys aan verbonde. Jy word beroof wanneer jy vasgevang is. Om vasgevang te wees behoort jou kwaad te maak! 

God kan woede gebruik om die stilstaande spruit van ons lewens skoon te maak. Daarom daag ek jou uit om toepaslike woede toe te laat om momentum op te bou wat jou sal help om terug te bons uit die seer wat jou gevange hou. 

Woede kan jou help om die alombekende “Hoekom?” te vervang net ‘n nuwe en verfrissende “Wat nou?” Vra jouself: Wat moet ek doen om seker te maak dat ek hierdie storm oorleef? Wat is dit wat ek moet leer om seker te maak dat ek floreer in hierdie storm? Hoe sal ek veerkragtigheid bou? 

As jy vandag woede ervaar, gebruik dit as momentum om vry te kom!

Hoe het woede ‘n deel gevorm van jou lyding? Hoe het dit jou gehelp om verandering in jou lewe te bring? Watter veranderinge kan woede jou nou help maak?

Advertisements