Dawid

Koning Dawid het sy grootste foute gemaak omdat hy op die verkeerde tyd op die verkeerde plek was. Soos opgeteken in 2 Samuel 11, het hy tuisgebly toe sy leiers en weermag gaan oorlog maak het. Dit is nie iets wat ‘n koning ooit gedoen het nie. Ten minste behoort dit nie so te wees nie. Omdat Dawid nie was waar hy moes wees nie, het hy iets gedoen wat hy nie moes nie — met ‘n ander man se vrou. Hy het alles in sy vermoë gedoen om sy sonde te bedek, insluitend sameswering en moord. Sjoe, nè?

As gevolg van Dawid se optrede het die profeet Natan hom gekonfronteer oor sy sonde. Dit is nie algemeen vir iemand wat ‘n hoë posisie in die regering beklee, om die teregwysing van iemand onder hom te aanvaar nie. Dawid het egter. Vir hom om sy sonde te erken, was net so ongewoon. Alhoewel Dawid se sonde rampspoedige gevolge gehad het, het hy berou getoon en hard gewerk om dinge weer reg te maak. 

Hier is twee lesse uit die lewe van Dawid:

God Kyk na die Hart:

Waarom het God gesê dat Hy Dawid vanweë sy hart gekies het, wetende wat Dawid sou doen? In 1 Samuel 13:14 lees ons wat God vir Saul, die huidige koning, gesê het: “Maar nou sal jou koningskap nie bestaan nie. Die Here het vir Hom ‘n man na Sy hart gesoek … Dit kom nogal vreemd voor dat God van Dawid as ‘n man na Sy eie hart gepraat het, wetende dat Dawid verskriklike goed sou doen. Is dit egter nie goeie nuus nie? God mag dalk nie hou van alles wat ons doen nie, maar gelukkig kyk Hy na ons harte! Hy weet ons doen soms goed wat ons nie beplan het nie of selfs nie wou doen nie. God weet ons sal nie volmaaktheid op aarde bereik nie en dat ons foute ons duur te staan sal kom. 

Dawid Het Nie Verskonings Gemaak Nie:

Psalm 51 is geskryf nadat die profeet Natan vir Dawid gekonfronteer het oor sy owerspel met Bátseba. Voor dit was Dawid blykbaar onbewus van sy verkeerde optrede. Agterna het hy egter volle verantwoordelikheid aanvaar. Alhoewel Dawid regtig vreeslike dinge gedoen het, het hy egter altyd verantwoordelikheid vir sy swak keuses geneem en nie die skuld op iemand anders probeer afskuif nie. 

Ons het alreeds vasgestel dat ons nooit volmaak sal wees nie.

God weet dit en ons moet dit aanvaar. Laat ons liewers berus in die waarheid dat God ons harte sien, selfs as ons foute maak. Wanneer ons foute maak, nie ás nie, laat ons verantwoordelikheid neem vir ons dade en die proses begin om dinge weer reg te stel.

Nee, ek sal nie vir jou bid nie.

Dit is die maklikste ding in die wêreld om te sê: “Ja, ek sal daaroor bid.” En dit is die maklikste ding om agterwee te laat of net eenvoudig te vergeet. Daardie lys van al die dinge wat ek gesê het, ek oor wil bid, maar dan van vergeet word omdat dit van hier na volgende jaar sal strek. Ek het dus begin sê, “Nee, ek sal nie vir jou bid nie.” Ek is nog steeds nie heeltemal gemaklik daarmee nie, maar ek dink dit is die regte ding om te doen.

Ons het so amper twee maande terug iemand gehad – ‘n vreemdeling – bel die kerk om te vra vir gebed. Sy het die oggend uit die bloute die kerk se kantoor geskakel. Sy het gesê sy voel siek en het mense nodig om vir haar te bid. Elke dag vir die volgende ses maande. “Kan ek op jou reken om vir my te bid?”

Vir die eerste keer in my lewe het ek totale vryheid gevoel. Ek het gesê, “Ek gaan een keer vir jou bid, maar ek sal nie elke dag vir jou bid nie. Ek sal nie vir ses maande vir jou bid elke dag nie. “Ek het verduidelik dat ek my eie kerk het om voor te sorg en dat ek vir daardie mense moet bid. Ek het gevra oor haar kerk en sy het my vertel waar sy bywoon. Ek het dit as ‘n goeie kerk herken, vol mense wat bid en pastore wat omgee. Ek het verduidelik dat God verwag dat haar kerk omgee vir haar en haar kerk vir haar moet bid en dat hulle al die kerke in Secunda roep om vir hulle te vra om gebede op te stuur vir iemand wat hulle nie ken nie, mag dalk net bygeloof wees.

Ek het gedink ek deur gedring na haar toe ek met haar gepraat het telefonies, Maar ‘n week later het die telefoon weer gelui en dit was dieselfde vrou. Sy het natuurlik vergeet om die naam van ons kerk uit haar lysie te skraap. Ek het haar herinner aan wat ek die vorige geleentheid vir haar gesê het en dat ek nie meer vir haar bid nie. Sy het toe eenvoudig net die foon in my oor neergestort.

Nou nadat tyd verloop het na die geleentheid lees ek ‘n boek tans waar die skrywer ‘n man van gebed is, en een wat veg teen die maklike “Bid vir my!” Hy verstaan dat sommige mense dink dat sy gebede baie sterk is omdat hy ‘n bekende persoon is; hy verstaan dat sommige mense hulleself ongehoorsaam om van die plaaslike kerk hul te verwyder het en nou op soek is na iemand, iemand, om vir hulle te bid; Hy verstaan dat sommige mense bygelowig is teenoor gebed. Hy het dus vertel hoe hy geleer het om “Nee” te sê. Hy het selfs geleer om te sê: “Ek sal nou vir jou bid, maar dan verwag ek dat jy na jou plaaslike kerk toe moet gaan en vra dat hulle vir jou moet bid.” Hy bid dadelik en bid een keer, maar nie meer nie.

God het my verantwoordelikheidsvlakke gegee en ‘n beperkte hoeveelheid tyd.

Ek leer deur dit wat hy skryf, en voel die vryheid om nie te bid nie. Ek voel die vryheid om nie te bid nie, omdat ek kan nie vir almal en alles kan bid nie. God het my verantwoordelikheidsvlakke gegee en ‘n beperkte hoeveelheid tyd. Ek moet die beste en die grootste deel van my tyd gebruik om te sorg vir diegene wat die naaste aan my is – my familie, my vriende, my bure, my kerk. Een van die maniere waarop ek omgee vir hulle is deur vir hulle te bid. Maar aangesien daar baie meer aan my lewe as gebed is, moet ek daardie gebedstyd goed gebruik, dit aan die dinge gee en die mense waarvoor ek die grootste verantwoordelikheid het. En dit is wat ek probeer om te doen-ernstig en herhaaldelik vir die mense waarvoor ek verantwoordelik is, te bid en om ander te laat bid vir die mense waarvoor hulle verantwoordelik is.

Ek voel op hierdie manier om NEE te se is beter. Dit gee my die geleentheid om vir mense oor gebed te leer, dit gee my die geleentheid om gebed te modelleer, en dit hou my daarvan dat ek sal doen wat ek se ek sal en nie wat ander op my afstoot om te doen nie, “want dit word van my verwag mentaliteit nie”.

Vat dit rustig, REGTIG!

Vat dit rustig, môre is nog ‘n dag! en dan sit hy sy iPhone terug in sy gatsak:

In hierdie lewe is daar baie dinge waaroor ek onsekerheid beleef, die onsekerheid van die onbekende, die onsekerheid van die petrol prys daai random vraag wat min oor praat “vriende” en dan nie eers gepraat van die onsekerheid van die mense die naaste aan jou, jou familie nie.

Maar hierdie afgelope paar weke is daar ‘n dringendheid binne myself en daai No.1 vrees in my lewe voel of dit my oorweldig, dit pla my tot in my diepste binneste. Jakobus was duidelik daar oor in Jakobus 3:1 “MOENIE baie leermeesters wees nie, my broeders, omdat julle weet dat ons ’n groter oordeel sal ondergaan.” maar wat is daai vrees dan werklik:

DAT daar wel mense is wat voor my sit sondag vir sondag met die gedagte dat hulle Hemel toe gaan maar in WERKLIKHEID gaan hulle nie, en hulle weet dit nie!

Miljoene mense wie sonder God gesterf het, op hierdie oomblik is in ‘n plek van Ongekende Smart, hulle besit tans sintuie wat ‘n 1000 keer of self meer skerper en sensitief is as in hierdie realiteit soos wat ons dit in hierdie lewe ken en ervaar…. Smarte so intens dat menslike verstand dit NOOIT op hierdie Aarde kan besef nie….’n Plek van Totale HAAT, GRUWELIKE ellende en pyn wat hierdie kant van die Graf NOOIT verstaan kan word en ervaar kan word nie.

Mense, wie ALLES wat hulle OOIT op hierdie Aarde besit het vir jou sal gee, om net 10 Sekondes van jou Asem te koop, om dit te gebruik om God te vra vir GENADE, dan vra ek myself, WAAROM sal ek en jy, hierdie Gunstige Oomblikke wat ons het, so Verniel en Verwaarloos.

Hoekom sal mense God se tyd gebruik, agterloosig wees met dit en dink dat hulle gaan wegkom met dit wanneer MILJOENE-MILJOENE voor ons nie daarmee weggekom het nie.

Hulle wie vanmôre in die HEL is en PLEIT vir EEN Geleentheid wat ek en jy het en dit so Verwaarloos, daai kerk dienste wat jy Sondae so maklik misloop, hulle wie ALS sou wou gee om EEN diens op jou lee plek te kan sit.

Een ding is seker:

As ek en jy nie ons Geleenthede gaan gebruik nie, gaan ons ook nie agterkom dat dit besig is om uit te loop nie, BIETJIE vir BIETJIE, kom ons SPEEL nie met GENADE nie.

Mense se TYD, mense se LOJALITEIT en mense se GELD word belê op plekke en dinge wat GEEN Ewigheidswaarde hetnie, Kerke sukkel om te Evangeliseer, hulle kan nie funksioneer omdat hulle Bitter Swaarkry (Ek noem hierdie in die Bree Spektrum van die Kerkesektor) Siele sterf by die Miljoene daagliks sonder God en die Kerk kan nie by hulle uitkom nie.

Elkeen gaan voor God staan, en dan gaan die dae van verskonings verby wees, gaan ons genoeg gehoorsaam gewees het of gaan Hy vir my sê gaan weg ek ken jou nie, (Matt 7:23) of sal ons moet aanhoor was jy nou maar net warm maar omdat jy lou is sal ek jou uit My mond spuug (Open 3:16)….